Bujar Osmani: BDI pas dakordimit të tekstit, përkrah ligjet për reformën e sigurisë

Bashkimi Demokratik për Integrim, ka formuar grup pune që ka negociuar tekstin e ligjeve dhe në fund janë pranuar dhe inkorporuar të gjitha vërejtjet, për reformën e sistemit të sigurisë, kështu ka deklaruar zv. Kryeministri për Çështje evropiane, Bujar Osmani. BDI, kështu, mbështet ligjet që kanë të bëjnë me reformën e sistemit të sigurisë, në bashkëpunim me partnerët e koalicionit, pasi janë dakorduar për tekstin final.

Ja postimi i plotë i Z. Osmani në fb: “BDi mbështet ligjet që kanë të bëjnë me reformën e sistemit të sigurisë.

BDI ka formuar grup pune që ka negociuar tekstin e ligjeve dhe në fund janë pranuar dhe inkorporuar të gjitha vërejtjet tona dhe vetëm pasi është dakorduar teksti final midis partnerëve të koalicionit dhe pas aprovimit nga ekspertë nga komuniteti ndërkombëtar të njëjtët janë aprovuar në qeveri dhe pastaj kanë kaluar në Parlament.”