Gjashtë persona arrestohen për vjedhje të qumështit për foshnja

Policia australiane ka thënë të ketë arrestuar gjashtë anëtarë të një grupi të zgjeruar kriminal, i cili ka vjedhur qumësht të foshnjave për ta shitur atë në mënyrë ilegale në Kinë.Sipas policisë, vetëm në 12 muajt e fundit mendohet se kjo formulë për foshnja është vjedhur në vlerë të më shumë se 720,000 dollarëve amerikanë.Mirëpo ky grup është thënë të ketë vepruar për “vite të tëra”.Qumështi australian është emëruar “ari i bardhë” në Kinë, sepse është menduar se ka kualitet më të mirë në krahasim me prodhimet lokale.Policia e Uellsit të Ri Jugor ka njoftuar se lidhur me këtë rast është arrestuar një burrë i moshës 31 vjeçare në Aeroportin Ndërkombëtar të Sidnejt.Përveç tij, autoritetet kanë njoftuar për arrestimin e tre burrave dhe dy grave tjera në muajt e fundit.Inspektori, Danny Doherty ka thënë se pjesë e operacionit “fitimprurës” kanë qenë mijëra transporte në Kinë për vite të tëra.“Ky ka qenë një grup i zgjeruar kriminal që ka vepruar në një treg të huaj dhe në dëm të publikut australian”, u ka thënë ai të hënën gazetarëve.Ndërkohë prindërit australianë është raportuar të jenë ankuar për vite për zvogëlim të shitjeve të këtij produkti në vendin e tyre.