Meta anulon pritjet shtetërore për festat e Nëntorit

Presidenti i Republikës së Shqipërisë ka vendosur të anulojë pritjet shtetërore me rastin e Ditës së Flamurit dhe Festës së Pavarësisë në Shqipëri. Ndërkohë Qeveria shqiptare ka vendosur të shpallë ditën e nesërme ditë zie kombëtare.

Nisur nga situata e rëndë e fatkeqësisë natyrore që goditi vendin tonë dhe që për fat të keq shkaktoi humbje jetësh të qytetarëve, plagosje dhe dëme të jashtëzakonshme materiale si dhe nga rëndësia prioritete e përqendrimit të të gjitha forcave e energjive për të përballuar pasojat katastrofike të kësaj tragjedie, Presidenti i Republikës së Shqipërisë, Sh.T.Z. Ilir Meta ka vendosur të anulojë Pritjen Shtetërore organizuar me rastin e ditës së Flamurit dhe Festës së Pavarësisë, planifikuar për në datën 28 nëntor 2019, në orën 19:00, në Pallatin e Brigadave, Tiranë” thuhet në njoftimin e Presidencës- njoftohet nga Presidenca.